| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 6.92 | Joseph. BJ 6.99 (English) | >>Joseph. BJ 6.106 |
6.96καὶ ὁ Ἰώσηπος , ὡς ἂν εἴη μὴ τῷ Ἰωάννῃ μόνον ἀλλὰ καὶ τοῖς πολλοῖς ἐν ἐπηκόῳ , τά τε τοῦ Καίσαρος διήγγελλεν ἑβραΐζων ,
6.97καὶ πολλὰ προσηντιβόλει φείσασθαι τῆς πατρίδος καὶ διασκεδάσαι τοῦ ναοῦ γευόμενον ἤδη τὸ πῦρ , τούς τʼ ἐναγισμοὺς ἀποδοῦναι τῷ θεῷ .
6.98πρὸς ταῦτα τοῦ δήμου μὲν ἦν κατήφεια καὶ σιγή , πολλὰ δʼ ὁ τύραννος λοιδορηθείς τε τῷ Ἰωσήπῳ καὶ καταρασάμενος τὸ τελευταῖον προσέθηκεν , ὡς οὐκ ἄν ποτε δείσειεν ἅλωσιν · θεοῦ γὰρ ὑπάρχειν τὴν πόλιν .
6.99καὶ ὁ Ἰώσηπος πρὸς ταῦτα ἀνέκραγεν “πάνυ γοῦν καθαρὰν τῷ θεῷ τετήρηκας αὐτήν , ἀμίαντον δὲ μένει τὸ ἅγιον , εἰς ὅν τʼ ἐλπίζεις σύμμαχον οὐδὲν ἠσέβησας , τὰς δʼ ἐθίμους θυσίας ἀπολαμβάνει .
6.100κἂν μὲν σοῦ τις ἀφέλῃ τὴν καθʼ ἡμέραν τροφήν , ἀσεβέστατε , τοῦτον ἥγησαι
-- καὶ Ῥωμαίοις τὰς ἁμαρτίας ἀνατίθης , οἳ μέχρι νῦν κήδονται τῶν ἡμετέρων νόμων καὶ τὰς ὑπὸ σοῦ διακοπείσας θυσίας ἀποδίδοσθαι τῷ θεῷ βιάζονται ;
6.102τίς οὐκ ἂν στενάξειε καὶ κατολοφύραιτο τῆς παραδόξου μεταβολῆς τὴν πόλιν , εἴ γε ἀλλόφυλοι μὲν καὶ πολέμιοι τὴν σὴν ἀσέβειαν ἐπανορθοῦνται , σὺ δʼ ὁ Ἰουδαῖος , ὁ τοῖς νόμοις ἐντραφείς , κἀκείνων πρὸς αὐτοὺς γίνῃ χαλεπώτερος ;
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 6.92 | Joseph. BJ 6.99 (English) | >>Joseph. BJ 6.106 |
